e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Pietissem Pigniu  Pignia Anteriura vischnanca polit., cirq. Schons, distr. Valragn. Fusiunada il 2009, ens. cun Clugén, cun Andeer. Vitg a mantun situà da la vart dretga dal Rain Posteriur, cun Bogn. 1219 Pignigo, tud. Pignieu (uffiz. fin il 1953). 1803 129 abit.; 1850 177; 1900 108; 1950 107; 1970 78; 2000 111. Il territori com. da P. è vegnì colonisà gia en il 13. tsch. tempriv (allevament da muvel, cultivaziun dad ers). Bains possedevan qua o.t. l'uvestg da Cuira e la claustra da Cazas. Ils dretgs feudals en la Val Schons han exercità successivamain ils de Vaz, ils de Werdenberg ed, a partir dal 1456, l'uvestgieu da Cuira. Il 1458 è la Val Schons sa cumprada libra. Fin il 1601 ha P. appartegnì a la plaiv da S. Martin a Ziràn. La chaplutta da S. Valentin è attestada il 1518. Suenter la refurmaziun enturn il 1530 han P. ed Andeer fusiunà ad ina plaiv - ina plaiv autonoma è stà P. mo dal 1782 fin il 1840. Sco vischinadi dal cumin da Schons (fin il 1851) ha P. furmà cun Andeer, Farera e Calantgil ina pitschna dretgira civila. La funtauna d'aua da fier è vegnida explotada dal bogn da cura d'Andeer fin il 1893 (ina lingia construida il 1829 provedeva era ulteriurs manaschis da cura ad Andeer). Il bogn ha profità da la posiziun a las vias dal Spleia e dal S. Bernardin, construidas en ils onns 1818-23. Il stradun tras il vitg datescha dal 1900. Meglieraziun dal funs 1971-81. Il 2000 existivan otg manaschis purils, ed il 2005 offriva il 1. sectur bundant la mesadad da las plazzas da lavur. Part da la populaziun da lingua rum.: 1880 96,7%, 1980 47,7% (LM), 2000 19,8%/29,7% (ML/Lindic). Litteratura: Kdm GR 5, 219-21; C. Simonett, Die Erbschaft um "das Bad" in P., 1621-1680, en: BM, 1953, 33-60. Jürg Simonett  Pietissem Pigniu  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: