e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Pitasch
Vischnanca polit., cirq. Glion, distr. Surselva (avant il 2001 Glogn), situada a 1060 m al sid da Glion sin ina terrassa tr. la Val Renastga e la Val da P. a la via veglia da Castrisch sur il Güner Kreuz en Stussavgia. 801-50 Pictaui (copia 16. tsch.), 960 in Pictaso. 1850 96 abit.; 1950 125; 1990 94; 2000 118. P. appartegna geograficamain a la Lumnezia, politicamain ed ecclesiasticamain dentant da vegl ennà a la Foppa. Enturn il 840 è P. attestà sco bain roial carolingic. L'onn 960 ha Otto I cedì la baselgia roiala privata (patrocini da S. Martin, menz. il 1487) en barat a l'uvestg da Cuira. La chasa-sala en il center da P., erigida en il 12./13. tsch., era prob. en possess dals signurs de P., attestads il 1139. En il temp medieval tardiv possedevan o.t. ils de Montalt bains a P.; il 1350 èn doc. ina migiuria a P. ed ina huoba a Cabiena a l'ost dal vitg, cun tributs da granezza e da chaschiel. Enturn il 1500 possedeva la claustra da Cazas bains a P. Il 1487 è la plaiv sa separada da Sagogn. Refurmaziun 1526. La vischnanca da P. è stada suttamessa als signurs de Castrisch fin viaden il 16. tschientaner. Oz furma ella ens. cun Duvin ina plaiv refurmada. Il mulin, la resgia e l'ustaria da P. al Glogn èn tradiziunalmain las pitgas commerzialas dal vitg. La basa economica furma dentant l'allevament da muvel a trais stgalims. Il 2005 lavuravan 77% da las persunas cun activitad da gudogn a P. en il sectur primar. La meglieraziun gen. è vegnida iniziada il 1984. Avertura dal center da P. 1988. Part da la populaziun da lingua rum.: 1880 94,2%, 1980 72,4% (LM), 2000 60,2/89% (ML/Lindic).
Litteratura:
Gem. GR, nr 110, 1985; M. Bundi, Independenza e reformaziun a P., Riein e Duvin 1487-1526, en: Cal. p. mintga gi, 1989, 83-93; Gem. GR, 2003, 234 s.
Martin Bundi
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Pinösch, Caspar