e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Punt da duana Pùnt, La  Punt da Tardis Punt sur il Rain en la vischnanca da Mastrils, erigida il 1529 da Metardus Heinzenberger (numnà Tardi) da Ragaz (oz Ragaz Bogn) en substituziun da la punt dal Rain episcopala a Maiavilla. La P. è stada durant tschientaners l'unica colliaziun tr. la Veglia Republica e la Confed. averta durant l'entir onn. Il 1550 è ella vegnida vendida a la vischnanca da Fläsch ed il 1571 reacquistada dal biadi da Tardi, Samuel Gantner. Il 1613 ha Michael Burgauer vendì la punt a la vischnanca da Malans, cun la resalva da l'exemziun da dazi per Maiavilla, Fläsch e l'abazia da Faveras. En consequenza da la pitschna rendita ha obtegnì il fittadin da la duana, derivant da Malans, il dretg da manar in'ustaria ed il monopol da servir vin, limità al conturn da la P. Durant ils Scumbigls grischuns e las guerras napoleonicas aveva la punt in'impurtanza strategica. Il 1835 ha cedì la vischnanca da Malans la P., ch'era daventada ina chargia pervia d'accidents frequents ed auas grondas, gratuitamain al chantun Grischun. Il 1892 è la veglia punt vegnida remplazzada tras ina punt cun travs da fier, demolida l'enviern 2004 e substituida alura tras ina punt da betun. Litteratura: P. Gillardon, Geschichte der Tardisbrücke, en: BM, 1947, 239-88. Adolf Collenberg  Punt da duana Pùnt, La  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: