e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Punt/Rehanau, La Puntina  Puntcrap Chavorgia dal Rain en la vischnanca d'Andeer, tr. Balamburtg ed il Crestawald (vischn. da Sur), tud. Rofla. Durant il temp rom. ed il temp medieval existiva ina via da sauma che manava al nord dal Rain Posteriur sur l'aclaun da Rovna a Sur. Questa via ha servì al traffic da sauma fin viaden il 17. tschientaner. Sur il Rain manavan almain trais punts da div. epocas. Da la davosa punt dal 1604 (existenta anc il 1838) exista anc in pilaster francà vi dal grip a la riva nord. A l'autra riva, pli al sid, han ins chattà fastizs d'ina punt prob. dal temp roman. Il 1695 è la via da sauma, che manava da la vart nord dal Rain tras guauds fitg stips, vegnida transferida, grazia a la pulvra naira da siglientar in vial, da l'autra vart dal flum. Parts dal trassè nord èn sa mantegnidas fin il di dad oz. Da la Via rom. èn sa mantegnidas en il Crestawald parts da salaschada e restanzas dal mir da sustegn. Da la punt da crap dal 18. tsch. exista anc in pilaster. Tut las vias manavan lung ils carauns da l'A13 directamain vers l'Hotel Rofla. Ellas traversavan il Rain d'Avras var 10 m sut il stradun odiern e manavan alura tr. quel ed il lai da cumpensaziun fin a l'emprim grip. A la sortida da la P., da la vart dretga da la via, sa chattava antruras ina chaplutta consecrada a s. Steffan. La galaria tras il spelm fin a la cascada da la P., che furma in motiv litterar ed artistic fitg apprezià, è vegnida construida da Christian Pitschen Melchior, ustier da l'Hotel Rofla, en ils onns 1907-14. Litteratura: B. Weber, Graubünden in alten Ansichten, 1984; Planta, Verkehrswege 4, 155-221; TG, 2007, nr 5, 28-31. Adolf Collenberg  Punt/Rehanau, La Puntina  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: