e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Mastergnanza Mastral  Mastergnanzas Gia en il 14. e 15. tsch. èn attestadas a Cuira ed a Glion federaziuns professiunalas en furma da confraternitads religiusas. Pir il 1465, in onn suenter l'incendi da la citad da Cuira, han dentant ils mastergnants obtegnì la permissiun imperiala d'installar in regiment corporativ a Cuira. Tut las professiuns eran integradas en las mastergnanzas dals viticulturs, chalgers, cusunzs, ferrers e furners. Las mastergnanzas industrial-artisanalas reglavan la furmaziun professiunala, la qualitad, ils pretschs e las pajas sco era las cundiziuns da lavur. Sco veritablas organisaziuns electoralas furmavan ellas la basa dals dretgs politics. Ils vischins vegnivan classifitgads en las tschintg mastergnanzas surnumnadas, da las qualas sortiva l'entir magistrat. Mastergnanzas ordaifer la citad da Cuira èn attestadas per quel temp mo en il Mesauc, nua ch'ils mastergnants da construcziun survegnivan certificats d'emprendissadi redigids en tudestg, en consideraziun da l'emigraziun artisanala (Artisanat). Era las associaziuns dals notars eran organisadas en quella val en ina sort da mastergnanza. Sco mastergnanza dals viturins u berniers pudess ins designar ils ports, als quals mancava però il monopol politic. Las mastergnanzas da Cuira èn vegnidas abolidas il 1841. Litteratura: Churer Stadgeschichte 1, 303 s.; HbBG 2, 57 s. Max Hilfiker  Mastergnanza Mastral  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: