e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Meir Meisser, Andreas  Meirana Uniun studentica surm., fundada ils 26-7-1931 a Casti sut il num Sesana. L'intent principal da la Sesana era da cultivar il surmiran, sia istorgia e litteratura. Il confundatur ed emprim pres. è stà Leza Uffer. La Sesana  publitgava tr.a. las lavurs litteraras da ses commembers. Il 1939 è vegnida fundada l'Uniung rumantscha surmirana da students (emprim pres.: Duri Loza) sco successura da la Sesana e sco secziun da l'Uniun Rumantscha da Surmeir. Il 1943/44 ha quella uniun obtegnì il num Meirana. L'intent da quella è da cultivar il surmiran e da tgirar il contact tr. ils students ed ils anteriurs absolvents d'universitad. Sias activitads cumpiglian l'organisaziun da champs per students, la lavur publica e la collavuraziun cun la «Talina» (publicaziun da la Romania) e cun il «Corv» (publicaziun da la Ladinia). Il 1958 ha la Meirana disponì d'in agen organ, il «Zundrign», cumparì en in sulet numer. La Meirana organisescha teaters, concerts, referats, discussiuns ed occurrenzas litteraras e collavura regularmain cun la Romania (Surselva Romontscha dapi il 2006) e cun la Ladinia. La Meirana ha tr.a. era promovì la rumantschaziun da las inscripziuns publicas en il territori surmiran. Dal 1990-94 ha ella puspè edì il «Zundrign» ch'ha fusiunà alura cun la gasettina «Punts», la revista mensila da la Giuventetgna Rumantscha.  Litteratura: Sulom, 11/1932-14/1935; 19/1940-24/1945 (rapp.). Gian Peder Gregori  Meir Meisser, Andreas  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: