e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Bravuogn Breil  Bravuogn, Crap da Crap marcant e paraid-crap al vest da B. Il Crap da B. (ca. 1300 m) era a ses temp in grond impediment per il traffic commerzial sur il Pass da l'Alvra. Fin viaden il 17. tsch. stuev'ins sviar el da la vart nord sur Pensch (1500 m). Il 1695 ha la vischnanca da B. incumbensà ils dus tagliacrappa Peter Zurr e Peter Tscher da Tusaun da realisar tranter Bellaluna e B. ina nova via tras il Crap da B. cun ina pendenza pli regulara. Per l'emprima giada en l'istorgia da las Trais Lias han ins utilisà per quest intent pulvra naira. La nova via tras il Crap da B. era 2,7 m largia ed aveva mirs da sustegn e plazzettas per sa cruschar. Ella è vegnida averta al traffic da chars il 1696. Il Crap da B. vala sco ovra d'art en la construcziun da vias e serva anc oz, grazia a renovaziuns permanentas, al traffic d'autos. Litteratura: Planta, Verkehrswege 1, 50. Martin Bundi  Bravuogn Breil  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: