e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Neue Bündner Zeitung (NBZ)
Gasetta quotidiana fundada a Cuira ils 8-12-1892 da 31 deputads lib. al Cussegl grond. Sut la direcziun da Michael Valär [Valèr] ha la NBZ suandà ina lingia lib.-moderada ed è restada fin il 1919 en la sumbriva dal «Freier Rätier», da quel temp da tendenza lib.-radicala. Sut l'egida da Hans Enderlin, chauredactur dal 1920 al 1954, ha la NBZ fatg ina svieuta a sanestra ed è daventada l'organ uffizial da la PD, fundada il 1919. Suenter la fusiun da quella cun la PPD il 1971, è la NBZ daventada independenta. Proprietaris ed editurs da la gasetta èn stads il 1897-1955 la stamparia Sprecher & Valèr ed alura la Societad collectiva Gasser & Eggerling. Tr. ils redacturs responsabels han figurà Paul Schmid-Ammann 1940-49, Georg Sprecher 1946-60 e Georg Casal 1951-76. Il fan. 1974 ha la NBZ surpiglià il «Freier Rätier». A partir dal schan. 1975 è ella cumparida sco gasetta independenta cun il num «Bündner Zeitung», absorbada il 1997 da la «Südostschweiz».
Litteratura:
Foppa, Deutschsprachige Presse, 7-22, 31 s., 67, 71.
Adolf Collenberg
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Neuburg, Volkard von