Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents OllandaOrelli, Johann Caspar von lemma sequent

Opera rumantscha
L'emprima opera rum. è vegnida represchentada il 1986: il «Cerchel magic» da Gion Antoni Derungs (libret: Lothar Deplazes, *1939) che raquinta dal regl da l'uman da vulair posseder tut a donn e cust da la natira. Il 1988 è vegnida dada l'opera da chombra «Il president da Valdei», cumponida da Robert Grossmann (*1953) tenor la novella da Gian Fontana; quella preschenta il cumbat dals da Valdei cunter tut il nov, different ed ester. «Il semiader» da Gion Antoni Derungs (libret: Lothar Deplazes; primaudiziun 1996) tracta problems quotidians d'ina citad sin ils dus nivels dal mund real ed imaginar: il mazzament, l'isolaziun e l'arroganza. Il «König Balthasar» da Gion Antoni Derungs (libret: Giovanni Netzer, *1967; primaudiziun 1998) stat en la tradiziun dals gieus sacrals e raquinta dal retg Baltasar che spendra Jesus da Herodes. Dapi questas operas rum. da piunier èn vegnidas represchentadas «Tredeschin» (2004, opera da chombra da Gion Antoni Derungs/Lothar Deplazes), «Apocalypse» (2005, opera per chor, Gion Antoni Derungs/Giovanni Netzer), «Benjamin» (2006, Gion Antoni Derungs/Giovanni Netzer).


Ovras:
Tut las operas èn registradas da SRG SSR Svizra Rumantscha.

Litteratura:
S. Thomas, Ursprünge und Horizonte - das Festival Origen im Sursés, en: BJb, 2009, 26-29.

Adolf Collenberg

lemma precedents OllandaOrelli, Johann Caspar von lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :