Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Crap Sogn BarcaziCresta lemma sequent

Crap Taglieu
Via preistorica sin territori da la vischn. polit. da Domat, a l'entrada en la Tumleastga. Punct-clav als passadis en il Rain Posteriur. Il C. manava prob. da Plong Urtgiclera al sidvest da Domat en las palids da Bregl. Il trassè da la via rom. n'è betg cler. Cun la construcziun da la via dals Polacs il 1940 èn omaduas vias vegnidas destruidas. La via rom. cumpara puspè pir avant la bova dal C. Visavi la baselgia da S. Gieri/Razén, al passadi il pli exponì dal C., avev'ins taglià quella en il grip. Da quel tschancun da via deriva il num C. Ruderas n'han ins betg chattà. La via, utilisada era durant il temp medieval, era fitg privlusa ed è perquai vegnida transferida pli tard a la riva dal Rain. Da l'autra vart dal vallun sbucca la via rom. en la Veia Calanca, construida en il temp medieval. Las vischnancas cunfinantas avevan da mantegnair la via, intginas han dentant refusà questa prestaziun il 1823. Il 1828 han ins construì a Giuvaulta ina nova punt che colliava la via rom. cun la nova via commerziala. La via tras il C. è alura ida en decadenza.   


Litteratura:
Planta, Verkehrswege 4, 235-62.

Adolf Collenberg

lemma precedents Crap Sogn BarcaziCresta lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: