Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents PastursPatriotissem lemma sequent

Patnal [Padnal]
Toponim per div. collinas cun fastizs da fortezzas u abitadis retics. P. deriva dal term preroman (retic) *pitino-, rum. chastè, fortezza. En il Grischun ed en Vuclina exista ina trentina P. Attestads èn tr.a.: 830 Villa in Castello Impitinis (fortezza sin il crest-baselgia a Casti, oriundamain prob. in refugi dals Rets, alura in chastè dals Romans), 1200 Crestapedinal/Curvalda, 1375 Pedunal/Suagnign, 1410 Castell Pedinal/Termin, 1460 Parnal/Guarda, Padnal/Susch. A Lisibüel al nord da Vaz Sut han ins chattà restanzas d'ina fortezza preistorica (refugi). L'abitadi P. al sid da Suagnign cumpiglia plirs orizonts dal temp da bronz fin viaden il temp da fier. Sin la Motta da Pedenal al sid da Poschiavo han ins scuvert cheramica e restanzas da mirs dal temp preistoric. A Mazzo en Vuclina è doc. il 1238 in castrum Pedenali; qua sa chatta era la Contrata fortificata di Pedenale, ina gronda fortezza medievala.


Funtaunas:
BUB.

Litteratura:
RN 2, 246; Clavadetscher/Meyer, Burgenbuch, 25, 72, 197, 361.

Martin Bundi

lemma precedents PastursPatriotissem lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :