e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Pompalus Pontaningen  Ponn Il term ponn designescha ina taila en general resp. in bategl da fain u ina chargia-fain zugliada en in bategl en spezial. En doc. curretics cumpara dapi il 13. tsch. savens il pannus griseus, il ponn grisch da launa-nursa che vegniva exportà o.t. en l'Italia. Quest ponn figurava en blers urdens da duana, p.ex. en quels da Müstair dal 1290 e da Com dal 1320. Il ponn è stà durant l'entir temp medieval in object da dieschma da bains signurils, e sia quantitad vegniva inditgada en bratschs. Ils dudesch bains gualsers da Tavau p.ex. avevan da consegnar en ils onns 1330 als baruns de Vaz tr.a. 168 bratschs ponn. Ina gronda part dal ponn da launa filà e taissì en il Grischun vegniva duvrà per far vestgadira e biancaria. Il ponn grisch dal Grischun è daventà l'artitgel da marca da la vestgadira purila; dad el derivan  prob. era ils nums grawe puren, Lia Grischa e Grischun (Pompalus). En ils onns 1467-69 èn attestadas pliras persunas da Sumvitg, Luven e Glion che faschevan commerzi cun il ponn da launa-nursa sur il Pass dal Lucmagn a Com.  Funtaunas: BUB. Litteratura: A. Schulte, Geschichte des mittelalterlichen Handels und Verkehrs zwischen Westdeutschland und Italien mit Ausschluss von Venedig, 1900. Martin Bundi  Pompalus Pontaningen  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: