Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Radunanza extraordinaria da las Trais LiasRagaz, Leonhard lemma sequent

Raetus
Figura quasi mitologica da la litteratura populara dal temp modern tempriv. R., il cumandant da l'armada dal prinzi, duai avair manà il pievel etrusc dals Rets da l'Italia Centrala malsegira en las vals protegidas da las Alps Centralas. En il clima criv da las Alps duai alura era la lingua e cultura retica avair pers in pau da sia finezza. Quest raquint, che attribuescha l'appellativ dal pievel retic al num propri da ses manader, aveva ina valur canonica en l'istoriografia ed en la geografia grischuna dal temp modern tempriv. El transmida in rapport da l'Antica en il mitos d'origin dal pievel grischun. Il raquint vegn formulà per l'emprima giada effectivamain en l'ovra dal Glarunais Aegidius Tschudi, «Die uralt wahrhafftig Alpisch Rhetia», cumparida il 1538 a Basilea.


Litteratura:
A. Tschudi, Die uralt wahrhafftig Alpisch Rhetia, 1538 (versiun lat. dal medem onn: De prisca ac vera Alpina Rhaetia); M. Bundi, Rätische Landschaften, Alpensagen und Geschichte, edì da W. Lietha, 2009.

Florian Hitz

lemma precedents Radunanza extraordinaria da las Trais LiasRagaz, Leonhard lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :