Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Richter, Christian GottlobRiedi, Ernst lemma sequent

Richter, Hugo
* 20-11-1841 a Königsberg (Prussia, oz Kaliningrad/Russia), † 27-9-1921 a Turitg, recepì burgais da Basilea. Il 1865 è R. viagià sco in dals emprims giasts da cura d'enviern a Tavau per laschar tractar sia tuberculosa dals pulmuns. La nova da sia sperta guariziun (ens. cun il medi Friedrich August Unger, piunier dal turissem d'enviern a Tavau) ha fatg da Tavau immediat in lieu da cura renumà. Suenter intgins onns sco librari a Basilea è R. turnà a Tavau, nua ch'el ha fundà ina libraria e publitgà cudeschs davart temas locals. Il 1880 ha el avert in'atgna stamparia. En quella è cumparì dapi il mars 1881 la gasetta lib. «Wochenblatt für die Landschaft Davos» ch'el ha redigì sez en ils onns 1881-83 e 1889-97. Il 1890 ha il «Wochenblatt» fusiunà cun il «Bündner Volksblatt». Las duas gasettas cumparan dapi il 1892 sut il titel «Davoser Zeitung». Il 1901 ha R. vendì la «Davoser Zeitung» e sia stamparia a la Buchdruckerei Davos AG nov fundada. R. è stà tr.a. confundatur da l'Uniun da traffic da Tavau, da la secziun Tavau dal CAS e dal chor viril da Tavau. Il 1897 è el daventà suprastant e pli tard pres. da l'Uniun svizra da libraris. 


Litteratura:
Davoser Zeitung, 28/29-9-1921; M. Pfister, Davoser Persönlichkeiten, 1981, 22 s.

Adolf Collenberg

lemma precedents Richter, Christian GottlobRiedi, Ernst lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: