Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Rigonalli, GuidoRimathé, Domenic lemma sequent

Rimathé, Anton
* 20-7-1874 a Samedan, † 9-3-1943 a Lucerna, ref., da Zezras e Turitg. Figl dad Anton, emploià da posta, e dad Emma n. Ambühl, da Tschlin. ∞ 1898 Elsbeth n. Spiess, figlia da Johann Konrad, da Rehetobel/AR. Stud.teol. a Basilea e Strassburg 1894-97, examen statal 1897, studi a Paris 1897-98. Magister privat a Basilea ed activitad schurnalistica 1899-1900; redactur da l'Agentura svizra da depeschas 1900-08 e redactur auxiliar da la «Schweizerische Eisenbahn-Zeitung» 1902-06, secretari da las societads dals locomotivists svizzers e dals stgaudaders da locomotivas svizzers 1908-18 (Associaziun svizra dal persunal da locomotiva a partir dal 1911) da Turitg, a partir dal 1907 era redactur da lur organ da publicaziun. Comm. da la PS, comm. dal Cussegl grond da Basilea-Citad 1904-08, dal Cussegl grond da la citad da Turitg 1910-25, dal Cussegl chant. da Turitg 1911-17 e cuss. naz. 1916-19. Comm. dal cussegl administrativ da l'Allgemeiner Consumverein 1902-06,  pres. da l'Uniun dals lavurers da Basilea 1904. Comm. da la direcziun da la PS da la Svizra 1912-18 e dal comité central da l'Associaziun svizra dal Grütli 1912-15. R. è s'engaschà per in sindicat unitar dal persunal da locomotiva e dals emploiads da viafier en general. Per motivs da sanadad ha el stuì sa retrair gia baud da sia vita professiunala e politica.


Ovras:
Das schweizerische Lokomotivpersonal, 1909; Zur Frage der Einheitsorganisation, 1916.

Litteratura:
Gruner, Bundesversammlung 1, 98.

Markus Bürgi

lemma precedents Rigonalli, GuidoRimathé, Domenic lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :