e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Robbi, Adolf Robbi, Jules  Robbi, Andrea * 28-5-1864 a Carrara (Toscana), † 25-2-1945 a Samedan, ref., da Segl. Figl da Rudolf, pastizier, e da Helena n. Methier, da Tavau. In onn gimnasi a Cuira (1882/83). Studis d'art Minca (1887, ens. cun ses ami Giovanni Giacometti) e Genevra (1887) sco era a l'Académie Julian a Paris (1888-91), a Roma (1891) ed a Milaun (1895-96), prob. era a Genevra, Dresden e Turin. Suenter la mort da ses bab (1898), è el sa retratg a Segl, nua ch'el ha tralaschà la pictura fin il 1935-40, vivond adina dapli en isolaziun e paupradad. Sia ovra (ignorada da ses temp) cumpiglia maletgs en ieli, dissegns ed aquarels e tradescha influenzas da Jean-Baptiste Camille Corot, Gustave Courbet, Barthélemy Menn e Ferdinand Hodler; ella è mantegnida mo en maniera fragmentara, è vegnida exponida il 1988 a S. Murezzan e vegn collectada ed archivada en il Museum Robbi a Segl, fundà il 1995.   Archiv: Fundaziun Andrea R., Segl, Chesa Fonio. Litteratura: BLSK, 878; Vom Licht in die Nacht: Andrea R., 1864-1945, 2002; SO, 21-8-2007. Adolf Collenberg  Robbi, Adolf Robbi, Jules  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: