e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Rost, Dionys von
* 14-1-1716 a Reutte (Tirol), † 31-10-1793 a Cuira, cat. Figl da Johann Gaudenz, chombrer imperial e directur militar da l'Austria Exteriura, elevà il 1738, ens. cun sia fam., en il stan da conts ereditars. Parent lontan da Joseph Benedikt. Studi a l'Academia da chavaliers Ettal (Baviera) 1727-33, alura al Collegium Germanicum a Roma fin il 1737. Canoni da Cuira 1734, spiritual 1740, cantor catedral 1743, decan catedral 1755. En la tscherna da l'uvestg dal 1755 ha R. succumbì per pauc a Johann Baptist Anton von Federspiel. El è alura vegnì elegì ils 16-4-1777 uvestg da Cuira e consecrà ils 17 da settember tras il nunzi da Lucerna. R. ha stuì acceptar il domini ecclesiastic da l'imp. Joseph II en il Tirol e Vorarlberg e las dissoluziuns da claustras en connex cun quel. Las protestas vehementas en il Vorarlberg han intimà el il 1789 ad interprender ina missiun d'intermediaziun ed a crititgar las intervenziuns statalas. L'instituziun d'in seminar diocesan n'è betg reussida.
Litteratura:
H. Schlapp, Dionys Graf von R., Reichsfürst und Bischof von Chur 1777-1793, 1964; HS I/1, 500 s.; Gatz, Bischöfe 1648, 402 s.
Pierre Surchat
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Rossa