Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents RuinelliRuinelli, Jacob lemma sequent

Ruinelli, Jacob
Attestà per l'emprima giada il 1617, † 16-3-1627 a Cuira, ref., oriund da la lingia dals R. da Baldenstein. Il 1617 è el stà activ sco interpret venezian. Il 1620 è el sa participà, sco chapit., a la reconquista (invana) da la Vuclina, il 1621 al murdraretsch da Pompejus von Planta. Ens. cun Gieri Genatsch è el stà il medem onn en servetsch dal cont von Mansfeld. Il 1624 ha R. prendì part sco chapit. dal regiment franz. von Salis a la campagna militara en Vuclina, cumandada da François Annibal d'Estrées. Possessur d'in regiment en servetsch franz. il 1625 (cun Gieri Genatsch sco substitut). El è vegnì blessà a mort tras in culp da spada da ses stretg ami da giuventetgna Genatsch, suenter avair provocà quel en gritta andetga ad in duel en in'ustaria.


Litteratura:
C. von Moor, Geschichte von Currätien und der Republik gemeiner drei Bünde 2, 1874; A. Pfister, Jörg Jenatsch, 1938 (19915); P. Fravi, Schloss Baldenstein, 1974.

Silvio Färber

lemma precedents RuinelliRuinelli, Jacob lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :