Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Russein, PezRydzewski, Anton von lemma sequent

Rüthers [-Seeli], Tresa
* 28-9-1931 a Falera, cat., da Falera. Figlia da Gion Giacun Seeli, pur, e da Filippina n. Camenisch, da Morissen. ∞ Bernd R., dr.iur. e prof. d'univ., da Dortmund. Scola da dunnas a Cuira, alura scolasta da lavurs a maun e librettista (dapi il 1975). Suenter avair passentà insaquants onns sco scolasta a Berlingen e Schwerzingen en Turgovia, è ella sa domiciliada durant sis onns a Münster en Vestfalia, alura durant tschintg onns a Berlin e dapi il 1972 a Bottighofen/TG. R. publitgescha dapi il 1956 regularmain poesias, fin il 1982 sut il pseudonim Melania. Il 1987 è cumparida la collecziun da poesias «Tras melli veiders», il 2003 «Jeu sai e sai da nuot». L'autura focusescha sias poesias sin la cardientscha, proverbis e spectrums emoziunals. Intginas da sias poesias èn vegnidas intunadas da Gion Giusep Derungs (* 1932). Premi Schiller 2004.
Litteratura:
Deplazes, Funtaunas 4, 273; LQ, 27-9-2004; TG, 2004, nr 4, 67-69.

Adolf Collenberg

lemma precedents Russein, PezRydzewski, Anton von lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :