Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Sablonier, RogerSacco, de lemma sequent

Sacchi [Sacki], Johann Anton
* 1783 (a Mustér ?), † 18-1-1848 a Cuira (Curt). Oriund d'ina fam. dal Mesauc (Grono, Leggia), doc. enturn il 1750 en Surselva (tr.a. a Pleif/Vella) ed en il 19. tsch. a Mustér e Cuira. Nev da Johann Anton, organist e dirigent dal chor da la catedrala da Cuira († 1835). S. è sa profilà surtut sco constructur dad orglas da balustrada, p.ex. per las baselgias da S. Martin/claustra da Mustér (1814, betg conservada), da S. Bistgaun/Degen (1820) e da S. Maria/Acletta-Mustér (1827, sia pli bella ovra, set manuals). Comm. da la mastergnanza cat. da la Curt da Cuira. Attestà per la davosa giada sco constructur da truclas (sutgas da chor) per la baselgia da S. Martin/claustra da Mustér (1830-32). 
Litteratura:
R. Freytag, Orgelbauer Johann Anton S. 1783-1847, en: TG, 1984, nr 6, 20-29.

Adolf Collenberg

lemma precedents Sablonier, RogerSacco, de lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :