Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Salis, Baptista vonSalis, Carl Ulysses von (Maienfeld) lemma sequent

Salis, Bartholomäus von
* 1501, † 1570 ad Albosaggia (Vuclina). Figl da Friedrich, podestat, e dad Anna n. von Porta. Nev da Dietegen. Cusrin da Dietegen e da Friedrich. Archiprer a la collegiata da S. Gervasio e S. Protasio a Sunder 1521. Il 1525 è S. sa participà da la vart dals Grischuns a l'Emprima Guerra da Müsch. Vicari da l'uvestg da Com en Vuclina, canoni a Cuira a partir dal 1537. Il 1541, 1549 e 1565 ha S. succumbì sco candidat a las tschernas da l'uvestg. Il 1550 ha el accusà l'uv. Thomas Planta d'eresia a Roma. Il 1565 è el vegnì intronisà da ses aderents sco uvestg da Cuira, cunter l'uv. Beatus a Porta elegì legalmain, ed ha mess l'uvestgieu, tras in'economia sfarlattusa, quasi en ruina. Pir ils 28-6-1566 ha S. renunzià a l'uffizi en favur dad a Porta, suenter ch'ina part da ses aderents en la LCD avevan bandunà el. In accumodament finanzial cun a Porta è succedì pir il 1569.


Litteratura:
Geneal. Salis, tav. 2/57; HS I/1, 496; Gatz, Bischöfe 1448, 613.

Pierre Surchat

lemma precedents Salis, Baptista vonSalis, Carl Ulysses von (Maienfeld) lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: