Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Salis, Johann Ulrich von (Soglio)Salis, Ludwig Rudolf von lemma sequent

Salis, Johann von (Soglio)
* 28-1-1776 a Clavenna, † 23-8-1855 a Modena, ref., convertì dascus a la cardientscha cat. il 1813 a Vienna, da Suogl. Figl da Peter, guvernatur e bundspresident, e dad Anna n. S. ∞ 1831 Emilia Elisabeth n. von S.-Zizers. Uffanza en il Grischun ed en l'Engalterra, nua che sia fam. era sa natiralisada. Stud.iur. a Göttingen. A partir dal 1800 è S. sa trategnì savens a Vienna, nua ch'el è stà activ sco ambassadur da la Regenza interinala, sustegnida da l'Austria; pli tard ha el operà en atgna chaussa per la restituziun dals bains confiscads en las anteriuras Terras subditas dal Grischun (Confisca). Durant las guerras da liberaziun dal 1813-14 ha S. fatg part da la partida aristocratica dals "Unbedingten" ed è stà confundatur dal comité reacziunar da Waldshut che giavischava, cunter l'idea da la neutralitad, in'invasiun dals alliads en Svizra e che vuleva restabilir - cun l'agid da l'Austria - la Veglia Republica da las Trais Lias. Al culp da stadi reacziunar a Cuira dal schan. 1814 è S. stà participà mo indirectamain. Dischillus dal resultat dal Congress da Vienna, è el sa retratg a Cuira ed ha gì ina correspundenza intensiva cun auters reacziunaris (Karl Ludwig von Haller, il cont saxon Friedrich Christian Ludwig von Senfft von Pilsach) e cun circuls ecclesiastics. En quel temp ha el occupà plirs uffizis politics: el è stà pliras giadas mastral da la Bergiaglia-Sopraporta tr. il 1816 ed il 1826, comm. dal Cussegl grond il 1815-17, 1818 e 1821, cuss. guv. e mess a la Dieta confed. il 1817. Enturn il 1825 ha S. remess tut ils uffizis ed è entrà il 1836 sco Oberhofmaister en servetsch dals archiducas d'Austria-Este a Modena. Titulà da ses adversaris da "spiun austriac", "Jakobinerriecher" u "Römling", ha el provocà ina polarisaziun da las opiniuns davart sia tenuta politica e ses merits.


Archiv:
Afam. S., Bondo; ASGR.

Litteratura:
Geneal. Salis, tav. 22/24, 17/128; C. Maranta Tschümperlin, Graf Johann von S.-Soglio und der konservative Umsturzversuch 1813/14 in Graubünden, en: JHGG, 1999, 119-214.

Cristina Maranta

lemma precedents Salis, Johann Ulrich von (Soglio)Salis, Ludwig Rudolf von lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :