Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Salis, Johann Gaudenz Dietegen von (Seewis)Salis, Johann Gaudenz von (Seewis) lemma sequent

Salis, Johann Gaudenz Dietegen von (Seewis)
* 5-12-1825 a Cuira, † 27-3-1886 a Cuira, ref., da Sievgia, Malans, Cuira e Flem. Figl da Johann Jakob, statalter guv., e dad Anna n. von Jenatsch, da Tavau. Biadi da Johann Gaudenz, quinà da Simeon Bavier. ∞ Anna n. von S.-Soglio, figlia da Peter Johannes, major en servetschs englais. Scola chantunala evang. a Cuira 1837-43, stud.iur e fil. a Bonn, Heidelberg e Berlin 1847-48. Comm. dad in Club dem. a Berlin, cdt d'ina milissa engaschada durant l'uschen. Märzrevolution dal 1848. Ils 4-6-1848 ha S. salvà il pled commemorativ per ils crudads dals 18 da mars. Dr. iur., advocat a Cuira, pli tard possessur da funs privatisant a Cuira e Malans. Deputà resp. substitut dal cumin da Maiavilla en il Cussegl grond 1849-55 e 1858-65. Statalter guv. 1850, derschader chant. 1852-54. Cuss. guv. dal sett. 1855 fin l'avust 1857, cuss. dals chantuns dal schan. fin l'avust 1855 e dal dec. 1857 fin il dec. 1860, alura cuss. naz. 1860-69, 1875-78, 1879-81. S. è stà in um ordvart erudit e popular ed in dals oraturs svizzers ils pli renumads da ses temp. Ensemen cun Florian Gengel e Gaudenz Gadmer è el stà in dals exponents impurtants da l'ala lib.-rad. dal Grischun. El ha cumbattì per il referendum, per la revisiun da la Const. fed. dal 1872 e 1874 e per la protecziun dals lavurants. Sia biblioteca cun var 3'400 volums sa chatta en la Biblioteca chant. a Cuira (regalada dals ertavels). S. aveva desistì dal titel da noblezza "von".


Archiv:
ASGR, relasch.

Litteratura:
F. Pieth, Nationalrat Gaudenz von S.-Seewis, en: BM, 1919, 1-16; Geneal. Salis, tav. 23/24, 26/33; Gruner, Bundesversammlung 1, 626 s.; C. Jörg, Eigenständige Privatbibliotheken [...], en: BM, 2005, 169-74.

Jürg Simonett

lemma precedents Salis, Johann Gaudenz Dietegen von (Seewis)Salis, Johann Gaudenz von (Seewis) lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: