e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Salis, Friedrich von (Soglio) Salis, Hans Wolf von (Regensburg)  Salis, Gian Travers von (Samedan) * 30-1-1546 a Samedan, † 16-4-1624 a Schaffusa, ref., da Samedan. Figl da Friedrich. 1) ∞ 1564 Eva n. von Planta (Zuoz), figlia da Thomas, chastellan a la Fürstenburg, 2) Chatrina n. Curô, da Beiva, 3) Ursula n. Stockar, da Schaffusa. Cumissari a Clavenna 1571-73, vicari en Vuclina 1583-85, pliras giadas delegà a Vaniescha. Il 1609 ha el obtegnì da la vischnanca da Segl il dretg d'explotar la miniera al Munt da Segl. El ha dirigì cun success ina miniera al Pass dal Fuorn, ha dentant disditg a Bravuogn e Filisur. Suenter che la fam. Vertemate da Plür, cumpossessura da sias minieras, aveva subì perditas tras la bova da Plür dal 1618 e ch'il duca de Feria era s'installà a Clavenna il 1621, è S. sa domicilià a Schaffusa, nua ch'el e sia consorta avevan gia pajà il 1620 taglias sin ina gronda facultad (42'000 rentschs). Litteratura: Geneal. Salis, tav. 8/1; H. Krähenbühl, Die Bergbaudynastie von S. in Mittelbünden und im Engadin, en: Bergknappe, 1997, nr 79, 2-6; nr 80, 2-5; nr 81, 28-31; P.C. von Planta, Der Bernina-Bergwerksprozess von 1459-1462 und die Bergbauunternehmungen des Johann von S. 1576-1618, en: JHGG, 2000, 51-144. Dolf Kaiser  Salis, Friedrich von (Soglio) Salis, Hans Wolf von (Regensburg)  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: