e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Salis, Johann Ulrich von (Soglio)
≈ 18-3-1790 a Cuira, † 27-4-1874 a Cuira, ref., da Cuira. Figl da Daniel. Frar dad Eduard. ∞ Margaretha Jakobea n. von S.-Seewis, cusrina, figlia da Johann Gaudenz. Uffizier en la milissa grischuna 1809. Il 1812 è S. stà activ en la chavallaria leva dal regiment dal prinzi ereditar en Baviera, nua ch'el ha participà il 1813-14 a la guerra dals Alliads cunter Napoleun. Il 1815 è S. daventà chapit., il 1824 maior dal regiment svizzer en servetsch ollandais. Suenter la dissoluziun da quel, ha el servì il 1829 en l'armada naz. ollandaisa; il 1831 è el avanzà al lt col., il 1834 al col., ed il 1839 ha el demissiunà sco maior gen. ed è turnà en Svizra. Il 1841 è el daventà col. en il stab general confed. ed è vegnì incaricà sco tal en il Vallais il 1844 cunter exponents da la giuvna Svizra. A la fin d'avust dal 1847 è el vegnì relaschà sco schef dal stab gen., perquai ch'el simpatisava cun la Lia separatista. Sco refurmà ha el surpiglià l'oct. 1847, cunter veglia, il cumond da l'armada da la Lia separatista. Malgrà il curaschi da S. e sia capacitad d'entusiasmar, eran las truppas da la Lia separatista en dischavantatg. Dirigidas d'in commando politicamain e militarmain dischunì, eran quellas dal punct da vista strategic e material inferiuras a l'armada fed. sut il gen. Dufour. S. sez aveva remartgà quai ed aveva designà la Guerra da la Lia separatista en la retrospectiva sco "tragedia". Suenter la sconfitta, è el sa trategnì a Bergam, en il Tirol dal Sid ed a Minca. El è vegnì accusà da tradiment da la patria, in process n'è dentant betg suandà; la reconciliaziun naz. aveva prioritad. Dapi il 1855 ha S. vivì en solitariadad a Cuira. Chavalier da l'Urden da S. Vladimir (russ).
Ovras:
Einige Blätter aus der Brieftasche eines eidgenössischen Offiziers, s.o.
Litteratura:
A. Winkler, Johann Ulrich v. S.-Soglio und Eugen v. Philippsberg, en: ZSG, 9/1929, 29-70 (brevs); Geneal. Salis, tav. 20/2, 26/12; E. Bucher, Die Geschichte des Sonderbundskrieges, 1966, 310; Generalstab 3, 514.
Adolf Collenberg
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Salis, Johann Ulrich von (Seewis)