e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Saluz [Salutz], Joan [Jon] Pitschen Salzgeber, Johannes  Salvioni, Carlo * 3-3-1858 a Blinzuna, † 20-10-1920 a Milaun, pensader liber, da Blinzuna. Figl da Carlo, tipograf e librari, derivant d'ina fam. lumbarda d'Erba, e da Martina n. Borsa, da Blinzuna. ∞ 1892 Enrichetta n. Taveggia. Gimnasi a Ligiaun, stud.med. a Basilea 1875-76, alura a Lipsia 1876-78, nua ch'el ha studegià linguistica indogermana e rom., dr.fil. 1883. Docent liber d'istorgia cumparatistica da las linguas classicas e neolat. a l'Univ. da Turin dal 1885-89, prof. incumbensà da litteraturas neolat. a l'Accademia scientifico-letteraria a Milaun 1889-90, prof. eo. (1890-95) e prof. ord. (1895-1902) a Pavia, successur da Graziadio Isaia Ascoli (1902) a Milaun. Collavuratur dad Ascoli a l'«Archivio glottologico italiano» (directur 1901). S. appartegna als pli impurtants perscrutaders da l'etimologia, linguistica istorica e dialectologia tal. e rom. ch'ha relaschà studis linguistics fundamentals, en particular davart dialects, p.ex. «Lingua e dialetti della Svizzera italiana» (1907). Il 1907 ha el fundà il «Vocabolario dei dialetti della Svizzera italiana». Sco collavuratur dal periodic cultural «L'Adula» (1912), ha el cumbattì per l'italianitad dal Tessin e dal Grischun tal. e rumantsch. Ses irredentissem (linguistic) è vegnì refusà dals Rumantschs e Ladins.  Litteratura: R. Broggini, Carlo S., 1858-1920, 1958; C. Merlo, Carlo S., en: L'Italia dialettale, 22/1958, 185-208; M. Pfister, Carlo S. 1858-1920, en: Les linguistes suisses et la variation linguistique, edì da J. Wüest, 1997, 83-94; Carlo S., Scritti linguistici, 5 ts, edì da M. Loporcaro e.a., 2008; Carlo S. e la dialettologia in Svizzera e in Italia, edì da M. Loporcaro e.a., 2010. Michele Loporcaro  Saluz [Salutz], Joan [Jon] Pitschen Salzgeber, Johannes  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: