e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Salzgeber, Peter Samedan  Salzmann, Jakob [Jacobus Salandronius] * ca. 1485, † 1526 a Cuira, da Marbach/SG, scrit era Jacobus Salandronius. Studi a Basilea 1504-09, concludì cun il magister artium. Magister a la Theodorsschule a Basilea, a partir dal 1511 magister a la scola catedrala da l'uvestgieu da Cuira, nua che vegnivan instruids spirituals e laics da la citad. S. è stà l'emprim ami cun l'uv. Paul Ziegler e cun l'avat Theodul Schlegel da S. Gliezi/Cuira. A partir dal 1518 è el s'entusiasmà per Martin Luther, dal qual el ha derasà cun zeli las scrittiras. Ina viva correspundenza ha el manà cun Huldrych Zwingli e Vadian. 1524 ha el bandunà la scola da la catedrala per far il magister da latin a la scola da citad. Ens. cun  Johannes Comander (reverenda da citad a S. Martin a partir dal 1523) è stà S. in dals promoturs principals da la Refurmaziun a Cuira. El ha participà il 1526 a la Disputaziun da religiun a Glion ed è mort il medem onn, ens. cun tut sia fam., da la pestilenza. Litteratura: T. Schiess, Jacob S., ein Freund Zwinglis aus älterer Zeit, en: Zwingliana, 1/1900, 167-74; O. Vasella, Neues zur Biographie des Schulmeisters Jacob S. [...], en: ZSG, 10/1930, 479-501. Martin Bundi  Salzgeber, Peter Samedan  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: