Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Sax, Heinrich de (Mesauc)Sax, Heinrich II de (Mesauc) lemma sequent

Sax, Heinrich I de (Mesauc)
* ca. 1180, attestà per la davosa giada ils 31-3-1247. Figl dad Albrecht, progenitur dals baruns de S. Sut S. ed o.t. sut ses frar Ulrich, l'avat da S. Gagl, che persequitava finamiras politicas da fam., ha cuntanschì la Chasa Sax ina culminaziun en la regiun da la Svizra dal Sid e da l'Ost odierna. Tr. il 1206 ed il 1207 è sa dispità S. cun il cont Hugo I von Montfort per ils territoris dal posteriur signuradi da S. Il 1208 ha el obtegnì per curt temp grondas parts da la prefectura da la claustra da S. Gagl, il 1209 quella da la claustra da Faveras. Ultra da quai è el restà prefect da las regiuns songagliaisas enturn Appenzell. Dal 1212-20 han el e ses frar sustegnì il retg Friedrich II. S. è l'emprim prefect doc. da la claustra da Mustér (prob. a partir dal 1213), e sut el ha expandì la fam. sia influenza dal Mesauc sin la Val dal Blegn e la Leventina. Il 1219 ha el fundà en il Mesauc in convent da canonis ed ha reorganisà cumplettamain las relaziuns ecclesiasticas da la regiun.


Litteratura:
A.-M. Deplazes-Haefliger, Die Freiherren von S. und die Herren von S.-Hohensax bis 1450, 1976.

Wolfgang Göldi

lemma precedents Sax, Heinrich de (Mesauc)Sax, Heinrich II de (Mesauc) lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: