Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Albrici [Albrizzi], ProsperoAlexander, Emil lemma sequent

Alexander, Blasius
* 20-2-1590 a Sent, † 23-12-1622 a Puntina, ref., da Sent. Figl da Baltisar Zonder. ∞ Magdalena n. Cataneo, da la Vuclina. Numnà era Zonder u Lischander Plasch. Studis a las scolas da lat. a Cuira, Turitg e Basilea, terminads cun il magister artium. Stud.iur. e fil. a Paris 1614. Recepì en la Sinoda retica il 1615. Preditgant a Berbenno e Traona en Vuclina 1616-20. Activ en la Dretgira nauscha da Tusaun 1618. Exiliaziun tras la Dretgira nauscha da Cuira 1619, reabilitaziun a Tavau il medem onn. Il 1620 è A. fugì, ens. cun Gieri Genatsch e.a., sur il Pass dal Müret, mitschond qua tras dal Murdraretsch en Vuclina. Il favr. 1621 è el sa participà a l'omicidi da Pompejus von Planta. Durant la fugia sur il Veptga è el vegnì arrestà, surdà als Austriacs ed executà a Puntina ils 23-12-1622. En ina poesia en lat., intitulada "Congratulatio", ha el prendì cumià da ses amis e cumpogns.
                         


Litteratura:
G. Jost, Blasius A.s Leben und Sterben, en: BM, 1958, 169-97; G. Mützenberg, Blasius A., 1973.

Martin Bundi

lemma precedents Albrici [Albrizzi], ProsperoAlexander, Emil lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :