e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Schäfer, Otto
* 27-12-1879 a S. Gagl, † 14-11-1953 a Cuira, ref., dad Aarau. Figl dad Otto Johann Friedrich, cassier e posteriur directur da la Banca Chantunala Grischuna a Cuira, e da Susanna Mathilde Luise n. Pfister, da Trachselwald/BE. ∞ 1) 1906 Rosina n. Tognoni, da Bever, 2) 1926 Maria n. Tugnum, da Bever. Suenter la matura a Cuira studi d'architectura a la SPF a Turitg, diplom 1901, alura entrada en il biro d'architectura da Nicolaus Hartmann & Cie a S. Murezzan. Collavuraziun cun Emil Sulser enturn il 1906. Ens. cun Martin Risch ha el fundà il biro d'architectura Schäfer & Risch a Cuira (1907) che construiva, sper edifizis privats, tr.a. era scolas (Quader a Cuira 1913-14, Institut Otalpin per mattas a Ftan 1914-16), ospitals (Ospital da la Crusch 1910-11) e baselgias (baselgia cat. e chasa da pravenda a Landquart 1907-08). Schäfer & Risch eran, sper Nicolaus Hartmann junior, ils architects ils pli occupads da lur temp en il Grischun ed èn, ens. cun quel, ils represchentants principals dal Heimatstil (1910-11 BCG, Cuira). Confundatur (1905) e pres. da l'Uniun grischuna per la protecziun da la patria 1918-30.
Litteratura:
ALS, 477 s.; L. Dosch, Kunst und Landschaft in Graubünden, 2001, 174-78.
Leza Dosch
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
SCG