e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Schauenstein, Thomas von
* 1563, † 20-4-1628, cat., a partir dal 1616 ref., da Cazas. Chavalier dad Ehrenfels. Figl d'in chapit. e d'ina NN n. von Planta. ∞ Regina n. Hartmannis (ref.). Studis al collegi dals gesuits a Minca, alura a l'Univ. da Padua, dr.iur.utr., silsuenter rectur a Padua 1582-83. Landfoct a Maiavilla 1585-87, vicari a Sunder 1597-99. Mess da las Trais Lias a Vaniescha, Turitg e Berna 1603. Il 1608 ha S. cumprà per 3000 curunas il signuradi ed il chastè da Lantsch Sut. Ils novs subdits han refusà ad el l'engirament, els èn dentant vegnids sfurzads a quel tras las Trais Lias (allianza da protecziun cun S.). Nobilitaziun al barun tras l'imp. Rudolf II il 1611. Il 1612 ha S. obtegnì per ses domini da l'imp. Matthias il dretg da fiera, il dretg da batter munaida ed il dretg d'asil. El ha fatg bancrutta cun explotar per sia zecca minerals en Valragn. Suenter sia conversiun ha el introducì la confessiun ref. a Lantsch Sut. Ils subdits odiavan S., sco tut ils descendents da sia fam. (fin il 1695), pervia da lur domini feudal pumpus e lur engurdientscha.
Litteratura:
U. Clavadetscher, Die ehemalige Münzstätte im Schloss Haldenstein, en: ArS, 15/1992, 3. cudeschet, 152-56; G. Lütscher, Geschichte der Freiherrschaft und Gemeinde Haldenstein, elav. ed ampl. da S. Margadant, 1995², o.t. 52-72; R.C. Ackermann, Die Münzprägung der Herrschaft Haldenstein - ein Zwischenbericht, en: Jber ADG DPG, 2009, 48-60.
Adolf Collenberg
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Schauenstein, Thomas Franz von