e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Schauenstein Schauenstein, Thomas von  Schauenstein, Thomas Franz von † 1742, cat., da Cazas e Rehanau (vischn. da Tumein). Figl da Johann Rudolf, chapit. da guardia, e dad Emilie n. de Molina. Barun da Rehanau e Tumein. El ha cumbattì il 1711 en Spagna sco uffizier da stab. Landrehter da la LG 1727-28 e pres. da la Sindicatura 1727. L'Austria ha obtegnì il 1733 la permissiun da recrutar in regiment cumandà dal col. S. (recrutà il 1734). Quel ha participà il 1738 a la Battaglia da Mehadia en l'Ungaria; S. è alura vegnì destituì da l'imp. Carl VI, cuntrari al contract e cun ina ferma reducziun dal sold. Il 1739 è S. daventà feldvahtmaister gen. ed elevà al cont imperial von S. und Ehrenfels. Suenter sia mort (senza descendenza) èn il num, l'ierta, il titel e la vopna ids dals S.-Ehrenfels a ses nev Johann Anton Buol. Archiv: ASGR. Litteratura: Girard, Officiers suisses 3, 58; HBLS 6, 153; Sprecher/Jenny, Kulturgeschichte, 239, 241; Clavadetscher/Meyer, Burgenbuch, 153. Adolf Collenberg  Schauenstein Schauenstein, Thomas von  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: