Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents GianatschGianin lemma sequent

Gianiel, Giatgen [frà Giacomo di San Luigi]
* 3-3-1714 (Jacobus) a Tinizong, † 14-8-1750 a Cellere (Lazio), cat., da Tinizong. Figl da Johann Zaniel, mastral, e dad Anna Maria n. Durband, da Tinizong. La schlatta è attestada per l'emprima giada il 1394 a Tinizong en las furmas Schaniel (scripziun utilisada dals paders chaputschins tal.) e Gianiel (scripziun italianisada, daventada uffiziala, daspera Giacum Zaniel). Il 1730 è G. emigrà en Italia sco famegl dal cont Bartolomeo Corsini, nev dal papa Clemens XII. Il 1742 è el entrà sco frà Giacomo di San Luigi en l'Urden dals passiunists (S. Paul da la Crusch). Dal 1742 fin il mars 1748 ha el vivì en la Presentatione, in refugi dals passiunists ad Argentario (Toscana) ed alura, fin a sia mort (da la malaria), a Madonna del Cerro sper Tuscania (Lazio). Il 1889 è vegnì inizià il process da beatificaziun, ed ils 21-12-1989 è G. vegnì declerà, suenter il nihil obstat dal 1940, sco venerabile frà Giacomo di San Luigi per sia cretta e sia umilitanza exemplarica. La beatificaziun da G. è anc pendenta a Roma.


Litteratura:
B.N. Bordo, Giatgen G., 1988.

Adolf Collenberg

lemma precedents GianatschGianin lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :