Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Scheuermeier, PaulSchiedberg lemma sequent

Schgier [Sgier], Matthias
* 1622, † 2-5-1687 a Cuira (epitaf en la catedrala), cat., da Ruschein. Studi da teologia al Collegium Helveticum a Milaun ed al Collegium Germanicum a Roma, dr.teol. Plevon a Tujetsch 1642-56, canoni e custodi catedral 1656-64. En l'uschen. Bullenstreit dal 1656 ha S. giugà ina rolla decisiva. Per pajar ils daivets da la diocesa ha cedì l'uvestg da Cuira il 1655 a la claustra da Mustér per 2'000 rentschs la giurisdicziun sur tut las anteriuras plaivs claustralas tr. Domat e la Val d'Ursera (14 plaivs e trais filialas). S. ha mobilisà cun success la partida spagn. (tr.a. Clau Maissen) e la Cadi cunter questa repartiziun da la pussanza che ha conferì a la claustra il status d'in quasi-uvestgieu. Sco recumpensa per avair desistì a la giurisdicziun sur las plaivs, ha la claustra da Mustér obtegnì l'oct. 1656 l'exemziun totala da l'uvestgieu. Il 1664 è S. vegnì nominà decan dal chapitel catedral ed è daventà in politicher engaschà. Suenter l'assassinat da Clau Maissen (1678), ha inizià l'uvestg in process per tradiment da la patria cunter S., ami da Maissen, che ha stuì fugir en l'exil il 1679. A Roma è el vegnì declerà nunculpant en in process da revisiun ed è turnà a Cuira il 1683, dotà cun tuttas onurs.


Litteratura:
C.M. Tuor, Reihenfolge der residierenden Domherren in Chur, en: JHGG, 1905, 38; Müller, Abtei Disentis, 115 s., 119.

Adolf Collenberg

lemma precedents Scheuermeier, PaulSchiedberg lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: