Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents SchlarignaSchlingia lemma sequent

Schlegel, Theodul [Theodor]
* prob. enturn il 1485, † 23-1-1529 a Cuira. Figl da NN e dad Anna n. Schuler. Studis a Tubinga e Heidelberg 1504-07, magister artium. Comm. da la claustra da premonstratens da S. Gliezi/Cuira, represchentant legal da la claustra 1513, priur il pli tard il 1514, avat da S. Gliezi 1515-29. S. era en correspundenza cun Konrad Grebel, promoveva ils baptists ed ha defendì il 1526 en la Disputaziun da religiun a Glion la Baselgia cat., malgrà ch'el tendeva a l'entschatta vers las ductrinas refurmatoricas da Zwingli e da Vadian. Sia rolla sco negoziader per ina evtl. demissiun da l'uv. Paul Ziegler a favur d'in auter è stà sia perdiziun. I gieva la fama che Gian Angelo de Medici, il frar da Gian Giacomo (chastellan da Müsch ed inimi dals Grischuns), saja il candidat principal. Sin quai è S. vegnì arrestà, torturà ed executà il 1529 tras la dretgira nauscha da Cuira.


Litteratura:
O. Vasella, Abt Theodul S. von Chur und seine Zeit, 1954; HS IV/3, 253 s.; HbBG 2, 95 s., 212.

Ursus Brunold

lemma precedents SchlarignaSchlingia lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :