Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Schmid, DanielSchmid, Johann lemma sequent

Schmid, Heinrich
* 6-4-1921 a Turitg, † 23-2-1999 a Turitg, ref., da Turitg. Figl dad Eduard, scolast, e da Nanny (Anna) n. S., dad Illnau/ZH. ∞ Veronica n. Bruppacher, da Zollikon/ZH. Gimnasi a Turitg, alura studi da romanistica e slavistica a Turitg e Genevra, dr.fil. 1946 («Zur Formenbildung von dare und stare im Romanischen»), abilitaziun 1962. Docent privat a l'Univ. da Turitg, prof. assistent 1963-66 e prof. eo. per linguas rom. e linguistica cumparativa 1966-83. Collavuratur al «Rätisches Namenbuch» a partir dal 1947 e redactur en temp parzial al «Dicziunari Rumantsch Grischun» 1957-68 (comm. da la cumissiun filol. 1955-94, pres. 1969-84). Autur da numerus tractats linguistics per div. revistas ed annalas. Il 1982 ha S. elavurà per incumbensa da la Lia Rumantscha directivas per la creaziun da la lingua da scrittira surregiunala Rumantsch grischun. Il 1983 ha el scrit in'expertisa per mauns da la Regenza grischuna davart la situaziun dal rumantsch en Svizra. A partir dal 1988 ha S. sviluppà la basa scientifica per la standardisaziun dal ladin dolomitan. Il 1996 è el vegnì onurà da la Fundaziun Jacques Edwin Brandenberger per sias prestaziuns extraordinarias sin il champ da la standardisaziun dal retorumantsch. S. ha surdà la part rum. da sia biblioteca scientifica a la Biblioteca Jaura a Valchava.


Litteratura:
LQ, 27-4-1999; Die vielfältige Romania, edì da M. Iliescu e.a., 2001.

Manfred Gross

lemma precedents Schmid, DanielSchmid, Johann lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :