Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Schmid von Grüneck [de Carniec], WilhelmSchnagg, Johannes lemma sequent

Schmid [-Ammann], Paul
* 2-2-1900 a Turitg, † 6-9-1984 ad Erlenbach/ZH, ref., da Turitg. Figl da Jakob, scolast primar. ∞ 1926 Bertha n. Ammann, figlia da Jakob, pur. Scolas en il chantun da Turitg, div. praticums agriculs 1917-23, studi a la SPF ed a l'Univ. da Turitg 1923-26, insch. agronom diplomà. Administratur da bains en il Tessin 1927-28. Secretari dals purs a Schaffusa 1928-39 (e qua tras era secretari da la Partida dals purs e da la fracz. da quella), redactur dal «Schaffhauser Bauer». Confundatur da la gasetta emnila «Die Nation» (1933), cuniniziant da l'iniziativa da crisa, lantschada il 1934 dals sindicats, da las organisaziuns dals emploiads e dals Giuvens purs per cumbatter la crisa economica e ses effect, e dal Moviment da las lingias directivas, fundà il 1936. Redactur da la «Neue Bündner Zeitung» 1940-49, tranteren puspè da la «Nation» e dal 1948-64 dal «Zürcher Volksrecht» (schefredactur a partir dal 1950). Comm. dal Cussegl grond da Schaffusa 1933-39, cuss. naz. per il chantun da Schaffusa 1935 (trais sessiuns). Comm. dal Cussegl grond dal Grischun 1942-44 e (per la PS) dal cussegl d'educaziun dal chantun da Turitg 1951-69. S. ha cumbattì cunter il frontissem ed il naziunalsocialissem ed è stà in intermediatur tr. ils purs ed ils lavurers. Sco publicist politic ed autur da «Der politische Katholizismus» (1945) è el stà in dals protagonists dal cumbat cultural grischun dal 1945-50. Dr.teol.h.c. da l'Univ. da Turitg 1970.


Archiv:
Archiv d'istorgia contemporana da la SPF, relasch.

Ovras:
Der Freiheitskampf der neuen Zeit, 1948; Unterwegs von der politischen zur sozialen Demokratie: Lebenserinnerungen, 1978.

Litteratura:
A. Gasser, Bündner Kulturkampf, 1987; Metz, Graubünden 3, 352-70; Schaffhauser Nachrichten, 2-2-2000; IG, 239.

Matthias Wipf

lemma precedents Schmid von Grüneck [de Carniec], WilhelmSchnagg, Johannes lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :