e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Selvicultura Seminari scolastic  Semadeni, Jon * 30-5-1910 a Vnà (vischn. da Ramosch), † 24-2-1981 a Samedan, ref., da Guarda e Poschiavo. Figl dad Andrea e da Maria n. Rauch, da Scuol. ∞ Mengia n. Demarmels. Seminar scolastic a Cuira, studi da mag. secundar a Turitg. Magister a Ziràn, Andeer, Scuol, Samedan e Zuoz. Il 1944 ha S. fundà la gruppa da teater La Culissa. El ha scrit dramas sco «La famiglia Rubar» (1944), «Il pövel cumanda» (1950) u «La s-chürdüm dal sulai» (1953) che tractan da la modernisaziun, da la speculaziun e da l'abus da pussanza; plinavant ils programs da cabaret «La Panaglia» (1951) e «La travaglia dal docter Panaglia» (1954, ens. cun Men Rauch e Cla Biert). Cun ils temas da la culpa e conscienza s'occupan las ovras en prosa «La jürada» (1967) ed «Il giat cotschen» (1980; tud. «Die rote Katze», 1998), en ils quals S. ha sviluppà, partind dal monolog interiur, novas furmas narrativas. S. vala sco impurtant autur dramatic, reschissur e raquintader. Archiv: ASL, relasch. Ovras: Ouvras dramaticas, 1980 (cun reg. cumplessiv da las ovras). Litteratura: Bezzola, Litteratura; Deplazes, Funtaunas 4; LTS, 1674 s. Clà Riatsch  Selvicultura Seminari scolastic  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: