e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Serra Sertig  Serro, Giovanni Attestà tr. il 1634 ed il 1674, cat., da Roveredo. S. è stà activ surtut en Baviera: a Neuburg an der Donau ha S. lavurà vi da la chasa munic. (1640-42), ha reconstruì la baselgia parochiala da S. Peder (1641-47) ed ha erigì il clutger da l'Ospital dal S. Spiert (avant il 1656). Il 1654 ha el remplazzà Michael Beer en la direcziun da construcziun da la baselgia claustrala da S. Luregn e dal palaz capitular dal prinzi-avat da Kempten (Allgäu), sia ovra pincipala, terminada il 1670 ed orientada al stil d'in classicissem dal 17. tsch., inspirà dal manierissem talian. Ultra da quai ha S. lavurà vi dals chastels da Schwabelsberg (1656-58) e da Kemnath (Oberpfalz, 1658-63), ed a S. Martin a Blindheim (Baviera; clutger, 1660). Cun Giulio Barbieri ha el elavurà ils plans da la curt (Hofflügel) dal convent da S. Gagl (1666-67) ed ha construì cun Barbieri la claustra da Faveras (1670-74). A Roveredo ha el lavurà vi da la baselgia da S. Antoni Avat (1648, 1657); en pli vegnan attribuidas a S. las restructuraziuns da la baselgia da la Madonna del ponte chiuso (1657) e da la baselgia parochiala da Sta. Domenica en la Calanca (1664-72). Litteratura: Zendralli, I magistri grigioni; M. Pfister, Baumeister aus Graubünden - Wegbereiter des Barock, 1993; Graubündner Baumeister und Stukkateure, edì da M. Kühlenthal, 1997. Cesare Santi  Serra Sertig  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: