e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Silvaplauna Simeon, Gion Duno  Simeon, Benedikt [Beno] * 13-8-1897 a Münster (Vestfalia), † 22-1-1977 a Cuira, cat., da Lantsch. Figl da Luzi e da Christine n. Wessel, da Mehlen (Vestfalia). Scola da la Curt a Cuira, gimnasi a Sviz, studis teol. (dr.teol.) e filologics a Roma. Primizia 1920, plevon a Samedan 1920-22, prof. da religiun e talian a la Scola chant. a Cuira 1922-63. Durant 40 onns comm., da quels 28 onns pres. da l'Uniun cat. da scola (pres. d'onur da quella il 1967) e da l'Uniun cat. svizra da scolasts. Canoni 1945. Sco publicist è S. stà la figura centrala da vart cat. en il Cumbat cultural grischun (retardà). Sut il pseudonim Justinus ha el publitgà il «Katholizismus und Politik. Der politische Katholizismus in katholischer Sicht» (ediz. stampada d'ina seria d'artitgels en il «Bündner Tagblatt» il 1946), la resposta cat. a «Der politische Katholizismus» da Paul Schmid-Ammann.  Litteratura: Domherr Prof. Dr. Benedikt S. 1897-1977, edì da P. Cavigelli, 1978; A. Gasser, Bündner Kulturkampf, 1987. Adolf Collenberg  Silvaplauna Simeon, Gion Duno  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: