e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Sprecher, Jörg von
* 12-3-1907 a Turitg, † 22-12-1997 a Cuira, ref., da Tavau, Cuvlignas, Maiavilla e Gianin (burgais d'onur). Figl da Jakob Hektor, secretari da l'Uniun svizra da commerzi e d'industria, e d'Elisabeth n. Pestalozzi. Nev da Theophil. ∞ 1939 Marie-Rose n. Bridel, figlia da Gustave Bridel, schef d'armas da l'artigliaria. Scolas a Turitg ed a Cuira (a partir dal 1918), stud. iur. a Berna, Minca, Königsberg, Bonn e Basilea 1926-34, dr.iur. a Basilea 1934. Uffizier d'instrucziun da l'artigliaria 1937-61, uffizier en il stab gen. a partir da 1940, schef dal stab da la divisiun 8 1952-53, alura cdt da la br. da fortezza 13 , cdt da la br. da muntogna 12 1961 e da la divisiun da muntogna 12 1962-69. L'occupaziun d'autas funcziuns militaras - ina tradiziun da fam. - e la colliaziun da S. cun sia patria grischuna han marcà il Gualser orientà a valurs conservativas. El è s'engaschà en gremis com. (cussegl da scola e cussegl da la plaiv da Gianin e.a.) e chant. (20 onns pres. da la cumissiun per la protecziun da la natira e da la patria) sco era en fundaziuns per la protecziun dals bains culturals grischuns (fundaziuns da las claustras da Mustér e da Müstair, Pro Ardez, Pro Spleia, e.a.). S. è stà durant decennis comm. dal cussegl d'administraziun dal «BT» (fin il 1978).
Ovras:
Die Jeninser im kgl. niederländischen Regiment v. S. Nr. 31, 1814-1829, en: BM, 1973, 74-87.
Litteratura:
Davoser Zeitung, 27-3-1998; BJb, 1999, 167-69.
Daniel Sprecher
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Sprecher, Johann [Jann] (von Bernegg)