e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Stan Staub, Roger  Stanyan, Abraham * 1669 a Headley (Middlesex), † 11-9-1732 a Buckingham, Englais. ∞ (NN) n. Bondeli, da Berna. Giurist e diplomat. Delegà tar la Confed. (1705-09 e 1710), a Milaun (1712), Vienna (1716-17) e Constantinopel (1719-20), alura privatier. La missiun en Svizra (ed a Cuira il matg 1705) aveva la mira da dar in cuntrapais a l'activitad da l'ambassadur franz. durant la Guerra da successiun spagn. e, sche necessari e pussaivel, da procurar per il liber passadi per las truppas alliadas dal champ da guerra tal. a quel tud. ed a quel franco-belgic. Il 1707 ha S. gidà ad impedir ch'il principadi da Neuchâtel vegnia attribuì tras ierta a la Frantscha ed a garantir quel per la Prussia. Sia ovra «An Account of Switzerland» (1714) ha rendì la Svizra, grazia a las observaziuns precisas da S., pli enconuschenta, e quai betg mo en l'Engalterra. Sia missiun ha effectuà quella da Peter von Salis dal 1709. Litteratura: B. Bucher, Abraham S. 1705-1714, 1951; Feller/Bonjour, Geschichtsschreibung 1, 536-39. Robert Schneebeli  Stan Staub, Roger  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: