e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Steinhauser, Alois Steinhauser, Christian Giohen  Steinhauser, Anton * 5-1-1840 a Sagogn, † 22-3-1915 a Sagogn, cat., da Sagogn. Figl da Christian Giohen. S. è naschì en il chastè da Fraissen che la fam. aveva ertà suenter l'extincziun dals Castelli; il possess signuril cumpigliava era in bain puril. ∞ 1869 Anna Margareta n. de Latour, da Breil, figlia dad Alois de Latour. Scola chant. a Cuira 1853-59, Liceum a Lucerna 1860, studi da giurisprudenza a Minca, Lipsia, Paris e Heidelberg (tar Johann Caspar Bluntschli) 1860-65. A partir dal 1865 biro d'advocatura a Sagogn e pres. da vischnanca 1866-67. Deputà en il Cussegl grond 1867-74, mastral da la Foppa 1870-71. Cuss. guv. 1874-75 e dal sett. 1883 fin l'avr. 1887 (pres. 1885), cuss. naz. 1875-81. Pres. da la dretgira dal cirquit dal Glogn 1893-1914, comm. da la Dretgira chant. 1894-1905. Comm. - sco davos represchentant dals liberals cat. dal Grischun - da l'ala sanestra en l'Assamblea federala. Il 1872 ha S. fundà l'Associaziun dals liberals cat. dal Grischun ch'è s'engaschada per la revisiun da la Const. federala. A Sagogn ha el promovì la cultivaziun da novas spezias da puma, importadas da la Frantscha. Fundatur da la scola reala a Glion, promotur da la scola en general sco era d'instituziuns socialas (p.ex. da la Clinica psichiatrica Waldhaus). Sin il champ cultural ha el redigì u edì tr. il 1870 ed il 1892 las gasettas rumantschas lib. e confessiunalmain tolerantas «La Ligia Grischa», «Il Patriot» ed «Il Sursilvan».  Litteratura: Gruner, Bundesversammlung 1, 629; M. Bundi, Anton S., 1985. Martin Bundi  Steinhauser, Alois Steinhauser, Christian Giohen  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: