e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Stierva Stiffler, Johann Peter  Stiffler, Hans * 12-8-1904 a Tavau, † 14-12-1985 a Claustra-Serneus, ref., da Tavau. Figl da Kaspar, chau-staziun, e dad Anna n. Grass, da Claustra-Serneus. ∞ Bertie n. Trachsler, da Bauma/ZH. Emploià da la Viafier retica a Tavau. Sindicalist activ en la Federaziun dals emploiads da viafier. Elegì derschader cirq. 1937, statalter 1939 e landamma da Tavau 1945-63, comm. dal Cussegl grond 1945-63 (pres. 1959), derschader chant. (suppleant) 1948-62, comm. dal Cussegl naz. 1959-62 e cuss. guv. 1963-71. Pres. da la PS da Tavau a partir dal 1942 e da la partida chant. grischuna 1948-56. Sco schef dal Departament da l'educaziun e sanitad dal Grischun è S. s'engaschà fermamain per in'amplificaziun dals ospitals e da la furmaziun dals scolasts. El è stà confundatur da la Scola media alpina svizra a Tavau (l'anteriur Fridericianum), acquistada il 1945 da possess tudestg.   Litteratura: BJb, 1987, 148 s. Martin Bundi  Stierva Stiffler, Johann Peter  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: