e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Stiffler, Johann Peter Stöcklin, Augustin  Stiffler, Martin * 30-4-1831 a Schlarigna, † 15-1-1895 a Cuira, ref., da Tavau. Figl da Jachem, pur, e da Dorothea n. Moeli (Möhli). ∞ 1) 1863 Carolina Margareth n. Rüedi (a Wilna), cun naziunalitad svizra, 2) 1871 Ursula n. Pernis (Pernisch), da Tavau. Suenter in emprendissadi da pastizier en il Café Josty a Berlin ed activitads professiunalas a Königsberg 1850 (oz Kaliningrad), a Varsovia a partir dal 1855 ed a Kiew a partir dal 1859, ha el fundà al Kreschtschatik-Prospekt in'atgna pastizaria ch'è daventada la pli renumada dal lieu. Il 1876 ha S. pudì sa domiciliar sco milliunari a Cuira (residenza en la Villa Kiew). Dals affars a Kiew è alura s'occupà ses figl Alfred, mort durant la Guerra civila russa.   Litteratura: Bühler, Bündner im Russischen Reich, 212-14. Carsten Goehrke  Stiffler, Johann Peter Stöcklin, Augustin  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: