e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Stiffler, Martin Stoppa, Hans Baptista  Stöcklin, Augustin * vers la fin dal 16. tsch. a Muri/AG, † 30-9-1641 a Mustér, catolic. Figl da Johannes, Stiftsammann a Muri. Studi da teologia e filosofia tar ils gesuits a Lucerna a partir dal 1606 ed a Dillingen (Baviera) a partir dal 1610, magister 1613. Entrada en la claustra benedictina da Muri 1614. Suenter l'ordinaziun sacerdotala, è S. turnà il 1618 a Dillingen, nua ch'el ha acquistà il 1619 il baccalaureat en dretg e teologia. Magister a la scola claustrala da Muri 1619-23. Administratur da l'abazia benedictina da Faveras (1623-29) e da la claustra da Mustér (a partir dal 1631), nua ch'el ha organisà, ens. cun dus auters patres da Muri, la refurma tridentina. Il 1634 è el vegnì elegì dal nunzi Ranuccio Scotti sco avat da Mustér. Cunter quest avat, l'emprim avat betg elegì da la pussanza seculara, è sa furmada in'opposiziun ch'ha dentant pudì vegnir surventschida grazia a la diplomazia dals lieus cat. e da la LG. S. ha rendì l'abazia autonoma visavi la Cadi e l'uvestgieu ed ha renovà ils vegls dretgs suverans. Sco refurmader, umanist ed istoriograf polivalent ha el restituì danovamain l'aut renum da la claustra. Sias lavurs èn impurtantas per l'istoriografia da las claustras da Mustér, Muri e Faveras. Archiv: Aclaustr., Mustér. Litteratura: Müller, Abtei Disentis, 97-105, 245; HS III/1, 502, 909, 1024 s. Urban Affentranger  Stiffler, Martin Stoppa, Hans Baptista  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: