e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Strigel, Ivo Stugl  Studer, Hans-Luzius * 22-6-1907 a Tain, † 21-9-1971 a S. Gagl, ref., dad Aarau e Wittnau/AG. Figl da Hans, inschigner da construcziun da punts, e dad Emilia Anna n. Greutert, da Turitg. ∞ Erica n. Hoffmann. Studi d'inschigner da maschinas a la SPF da Turitg. Diplom 1931, dr.sc.tecn. 1936. Suenter studis davart vibraziuns dad alas e sgols plauns (300 km/h) a l'Institut d'erodinamica da la SPF (tar Jakob Ackeret), è S. daventà in dals pli impurtants constructurs d'aviuns. A partir dal 1936 ha el sviluppà aviuns cun propeller (tr.a. il Morane D-3803) tar las Ovras da Dornier ad Altenrhein/SG, a partir dal 1946 aviuns da cumbat a reacziun tar la firma successura Flug- und Fahrzeugwerke Altenrhein AG, en la quala el è avanzà a l'inschigner superiur (1948). Sut sia direcziun è vegnì sviluppà l'aviun da cumbat P-16 che n'è dentant betg passà a la producziun en seria en consequenza d'in accident (crudada) il 1958. Tar la Swiss-American Aviation Corporation ha S. construì l'aviun d'affars Learjet, in aviun a dus reacturs, la producziun dal qual è vegnida transferida en ils Stadis Unids. Dal 1962-71 ha S. construì il Hansa Jet tar la Hamburger Flugzeugbau GmbH e planisà aviuns da traffic a partenza verticala. Litteratura: Schweizerische Bauzeitung, 1972, nr 38, 929-32; H. Strehler, Die Schweizer P-16, 2004; L. Studer, Der Visionär: Hans-Luzi S. (1907-71), en: Fünf Pioniere des Flugzeugbaus, 2007, 57-76. Peter Müller-Grieshaber  Strigel, Ivo Stugl  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: