Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Roseli, JohannesRosenroll, Sylvester lemma sequent

Rosenroll
Schlatta natiralisada a Tusaun a partir da l'entsch. dal 16. tsch., prob. immigrada da la Val S. Giachen. Tras maridaglia cun la fam. Ruinelli èn ils R. vegnids en possess dal chastè da Baldenstein a Seglias (1627-1716). Cumprovadas èn activitads commerzialas sin il champ dal traffic da transit ed en fatschentas da credit (chasa da banca e da spediziun Rosenroll & Camartin). La fam. R. ha mess in landfoct a Maiavilla e  mintgamai dus guvernaturs, vicaris e podestats sco era in cumissari en las Terras subditas dal Grischun. En il 17. tsch. èn stads members da la fam. en servetsch militar franz., en il 18. tsch. en servetsch ollandais. Enturn il 1670 ha Sylvester laschà construir l'uschen. Schlössli a Tusaun. Gia a l'entsch. dal 18. tsch. promoveva la fam. il pietissem. A partir dal 18. tsch. èn emigrads exponents dals R. a Danzig, Vienna e Napel, da là a la fin dal 19. tsch. en il Canada (provinza d'Alberta). Il davos represchentant grischun da la lingia da Tusaun è mort il 1794.


Litteratura:
G. Eisenring, Rosenroll'sche Palazzi und Häuser in Thusis, en: BM, 1935, 156-58; G.G. Cloetta, Die Familie R., en: BM, 1954, 353-75; RN 2, 906; P. Fravi, R. redivivi!, en: BM, 1976, 103-17; Collenberg, Amtsleute, 44, 54-56, 68, 74 ; H. Lichtenstein, A.S. de R. (1857-1944), ein Leben in der kanadischen Prärie, en: BM, 1999, 345-60.

Florian Hitz

lemma precedents Roseli, JohannesRosenroll, Sylvester lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: