e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Scappi, Alessandro Scartazzini, Giovanni Andrea  Scarpatetti (von Unterwegen) Schlatta da politichers e d'uffiziers da Cunter (Surmeir), numnada tr.a. era Patich (1455), Scarpeteig (1646) u Scarpatett (1650). Il predicat da noblezza ha surpiglià la fam. dals signurs von Unterwegen, extinguida la fin dal 15. tschientaner. Ils S. han ertà il possess da quella en il Surmeir. Il 1587 ha duvrà Zacharias sco emprim il titel da noblezza. Il 1447 è attestà in Luzi da Suagnign sco emprim represchentant dals S. La muntada politica da la fam. era secundara, ma tras maridaglia da lur figlias è ella sa parentada cun famiglias cat. dominantas, tr.a. cun ils de Latour da Breil. En il 15. e 16. tsch. eran ils S. en uffizi sco podestats episcopals residents sin il chastè da Riom, alura sco mastrals en il Surmeir. Tr. il 16. ed il 18. tsch. ha la fam. mess otg uffiziants en Vuclina ed intgins uffiziers en servetschs franz., spagn. e da l'uvestgieu da Cuira. En il 19. tsch. predomineschan las professiuns academicas. Il fundatur da la lingia tirolaisa dals S., il giurist e medi Hans Jörg, è stà prorectur da l'Univ. da Padua a la fin dal 17. tschientaner.  Archiv: ASGR. Litteratura: Färber, Herrenstand, 135. Adolf Collenberg  Scappi, Alessandro Scartazzini, Giovanni Andrea  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: