e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Schwartz, Otto Schwarz [Niger], Hartmann  Schwartz [Schwarz, Suarz] Schlatta grischuna da la classa dirigenta, natiralisada en tuttas trais Lias (Tavau, Spleia, Cuira, Surselva). A Cuira è attestà il 1483 in Flury, emprim maister da mastergnanza. En ils onns 1537, 1545 e 1582 èn vegnids natiralisads a Cuira members da las lingias da Mut, Parpan e Curvalda. Ils davos sa numnavan Nigris u de Negri e derivavan da la Vuclina. Els eran fittadins ereditars da las claustras da Curvalda e da S. Nicolai/Cuira. La lingia pli veglia da Cuira va enavos sin il plevon Hartmann e cumpigliava cussegliers, scrivants da las Lias, uffiziants en Vuclina e plevons. Particularmain blers uffizis ha occupà Georg Caleb. Il 1609 è sa natiralisà l'apotecher Franziscus Niger da Clavenna a Cuira. El era il progenitur da la lingia pli giuvna. Quella cumpigliava umens politics, uffiziers e medis. Il 1685 ha Otto obtegnì il titel da noblezza da Leopold I. El ha presidià il 1706 la LCD e ses figl Otto il medem onn la LDD, ed els han obtegnì in'impurtanza particulara en la Guerra da successiun spagnola. Ils biadis resp. figls dal quests Ottos èn stads comm. dal cussegl da la citad, els n'han dentant betg pli occupà uffizis pli auts a Cuira ed en la Republica da las Trais Lias. Ils S. da Curvalda/Parpan e da Cuira han vopnas differentas. Litteratura: Sammlung rhätischer Geschlechter 1, 1847, 190; Valèr, Churer Stadtrat, 90; Simmen, Wappen, 77, 125. Max Hilfiker  Schwartz, Otto Schwarz [Niger], Hartmann  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: